Instituti i Studimeve Europiane

Instituti i Studimeve Evropiane është krijuar me VKM nr 1182 me datë 3 Dhjetor 2009. Ky institut ngrihet mbi një përvojë të pasur mësimdhënie akademike dhe mbi një eksperiencë 14 vjeçare të nisur nga Qendra e Studimeve Evropiane të hapur me VKM nr.588, datë 02.11.2000. Ajo ishte fryt i një projekti të fituar në vitin 1999, pas një aplikimi të bërë tek Programi TEMPUS dhe është ideuar me asistencën e drejtpërdrejtë të Universitetit Katolik të Leuvenit, të Universitetit të Bonit, të Universitetit të Hapur të Budapestit, të Fondacionit Shoqëria e Hapur për Shqipërinë dhe të disa ambasadave të huaja tek ne.

Drejtori i Institutit të Studimeve Evropianë është Prof. As. Eva Tafili.

Instituti përbëhet nga tre Departament:

  •     Legjislacion dhe Institucione në Evropë me përgjegjës departamenti Prof. Dr. Xhezair Zaganjori.
  •     Diplomaci dhe marrëdhëniet Ndërkombëtare me përgjegjës departamenti Prof. Dr. Eqerem Yzeiri.
  •     Politikë dhe Qeverisje në Evropë me përgjegjës departamenti, Prof. Dr. Llambro Filo. 

 

Instituti i Studimeve Europiane ka dy programe studimi:

  • Master Shkencor
  • Doktoratura

Për Programin e studimit Master Shkencor lëshon diploma :

  • në Legjislacioni dhe Institucionet Evropiane;
  • në Politika dhe qeverisja në Evropë;
  • në Diplomacia dhe marrëdhëniet ndërkombëtare të BE.

Për Programin e doktoraturës lëshon diploma ;

  • në Legjislacioni dhe Institucionet Evropiane;
  • në Politika dhe qeverisja në Evropë;
  • në Diplomacia dhe marrëdhëniet ndërkombëtare të BE.

 

Instituti ISE ka 24 pedagogë që përbëjnë stafin akademik të këtij instituti. Nga këta 13 pedagogë kanë titullin Profesor Doktor (Prof.Dr), 8 me titullin Profesor i Asocuar (Prof. As. Dr.), 3 me titullin Doktor (Dr).

 

Në ISE studiojnë afërsisht 289 studentë në programin e studimit Master Shkencor.

Masteri në Studime Evropiane i përgatit studentët për ato profesione që lidhen me dimensionet evropiane në nivele të ndryshme të qeverisjes (evropiane, rajonale, shtetërore dhe vendore), në krijimin e lobeve dhe në krijimit e grupeve të ekspertëve (think tanks) që kanë të bëjnë me institucionet evropiane, si dhe me një larmi çështjesh të tjera ekonomike e shoqërore, në të cilat kërkohen njohuri të veçanta mbi problematikat evropiane.

 

Adresa: Rruga e Elbasanit

ABONOHUNI

Sigurohuni që nuk do humbisni asnjë event nga UNITIR duke u abonuar në letërnjoftimin tonë.

Na Kontaktoni

Për çdo informacion ose pyetje, na kontaktoni:

Na ndiqni

Ne jemi edhe në Facebook. Na ndiqni dhe mbetemi ne kontakt.

ADRESA

Rektorati,

Sheshi "Nënë Tereza" 

Kutia Postare Nr. 183

Tiranë, Shqipëri

Kreu Fakultetet Institutet Instituti i Studimeve Evropiane