Lajmërime

 

Për Krijimin e Grupit të Punës për Strategjinë e Zhvillimit të Burimeve Njerëzore

Klikoni këtu për të shkarkuar materialin

Blerje Paisje Elektronike

Të gjithë Operatorët Ekonomik të interesuar të klikojnë këtu

Rektori i Universitetit të Tiranës Prof. Dr. Mynyr Koni mban takimin e parë informues me Përgjegjësat e Departameneteve të Ut-së

Rektori i Universitetit të  Tiranës Prof. Dr. Mynyr Koni zhvilloi në ambientet e Rektoratit ditën e enjte datë 26 Janar 2017, një takim me Përgjegjësat e Departamenteve të fakulteteve të ndryshme të  UT-së.

Gjatë këtij takimi Rektori trajtoi çështje aktuale të Universitetit të Tiranës siç është zbatimit i Ligjit të Ri të Arsimit të Lartë.

Një rëndësi të veçantë pati diskutimi i procesit të akreditimit të Universitetit të Tiranës duke trajtuar dhe diskutuar problematikat e këtij procesi si dhe kërkoi ndihmën e të gjitha njësive kryesore për këtë proces kaq të rëndësishëm për universitetin.

Gjithashtu, u diskuta edhe për programin e mobilitetit Erasmus + ku kërkoi më shumë vëmendje dhe aplikime rreth këtyre bursave si dhe për marrëveshjet bilaterale që Universiteti i Tiranës nënshkruan me institucione të ndryshme në botë.

Gjatë diskutimit Rektori përmendi edhe disa problematika që kanë të bëjnë me administrimin e sistemit të informacionit.

Më pas takimi vijoi me diskutime të lira si dhe pyetje dhe përgjigje për çështjet që departamentet e UT-së hasin gjatë punës së tyre të përditshme.

Rektori shprehu gadishmërinë e tij të plotë dhe të institucionit që ai drejton për mbështetjen e të gjitha njësive përbërëse të Universitetit të Tiranës.

Në mbyllje të takimit, Prof. Dr. Mynyr Koni tha se të tilla takime do të mbahen rregullisht në të ardhmen.

Për më shumë klikoni këtu

Mbi aplikimet në Programin e Fondit të Ekselencës për vitin akademik 2017-2018

Në bazë të Vendimit të Këshillit të Ministrave Nr. 483, datë 16.07.2014 “Për mbështetjen financiare të studentëve të shkëlqyer dhe të nëpunësve civilë të administratës shtetërore (Fondi i Ekselencës)” dhe Udhëzimit të Ministrit të Arsimit dhe Sportit Nr. 16, datë 01.08.2014 “Për përcaktimin e kritereve, masës dhe procedurave për përfituesit nga Fondi i Ekselencës për studentët e shkëlqyer dhe nëpunësit e administratës shtetërore”, Ministria e Arsimit dhe Sportit shpall hapjen e procedurave të aplikimit për Fondin e Ekselencës për vitin akademik 2017-2018. 
Nëpërmjet këtij programi ofrohet mbështetje financiare për studentët e shkëlqyer shqiptarë të cilët dëshirojnë të kryejnë studimet në ciklin e parë, të dytë dhe studimet në ciklin e tretë jashtë vendit në universitetet më të mira në botë.
Dokumentacioni i aplikimit, kriteret dhe procedurat mbi bazën e të cilave do të 
kryhet përzgjedhja e kandidatëve janë të parashikuara në aktet nënligjore të 
sipërcituara, si dhe i gjeni në mënyrë më të detajuar në faqen zyrtare të Ministrisë së Arsimit dhe Sportit: 
www.arsimi.gov.al/al/arsimi/universiteti/fondi-ekselences.
Për çdo informacion të mëtejshëm mund të kontaktoni me e-mail në adresën: 
Kjo adresë emaili po mbrohet nga spambotet. Të duhet aktivizimi i JavaScript për me e pa. .
Sekretariati Teknik i Programit do të zhvillojë takime me të gjithë të interesuarit në datat 6-10 Shkurt 2016 në mjediset e Ministrisë së Arsimit dhe Sportit.

Bursa Studimi Për Në Republikën e Turqisë

Ambasada e Republikës së Turqisë në Tiranë ka njoftuar se Republika e Turqisë akordon bursa për studime universitare dhe pasuniversitare për studentët e huaj në Turqi, për vitin akademik 2016-2017.

Të dhënat e përgjithshme dhe kushtet për bursat mund të gjenden online në adresën: www.turkiyeburslari.gov.tr

Informacionin përkatës lidhur me datat dhe procedurat e aplikimit e gjeni këtu

Nënkategoritë

ABONOHUNI

Sigurohuni që nuk do humbisni asnjë event nga UNITIR duke u abonuar në letërnjoftimin tonë.

Na Kontaktoni

Për çdo informacion ose pyetje, na kontaktoni:

Na ndiqni

Ne jemi edhe në Facebook. Na ndiqni dhe mbetemi ne kontakt.

ADRESA

Rektorati,

Sheshi "Nënë Tereza" 

Kutia Postare Nr. 183

Tiranë, Shqipëri