Përgjegjës i Departamentit të Gjuhës Frënge

Dr. Esmeralda Kromidha


Website: http://www.unitir.edu.al

Historiku

Departamenti i Frëngjishtes ka një përvojë pune tepër të pasur, pasi ai është krijuar në vitin 1965. Ndër vite, ai ka pasur në gjirin e tij profesorë të shquar të gjuhës frënge si Nonda Bulka, Vedat Kokona, Petrit Sinani, Medi Agalliu etj.

Aktualisht, ai përbëhet nga 24 pedagogë të brendshëm dhe 17 pedagogë të jashtëm. Nga pedagogët e brendshëm ; tri mbajnë titullin shkencor “Profesor”: Nonda Varfi, Drita Hadaj, Ilia Lëngu; gjashtë mbajnë titullin shkencor “Profesor i asociuar”: Raul Lilo, Zoi Topi, Edmond Tupja, Andromaqi Haloçi, Irena Çaçi, Daniel Xhoxhaj ; pesë prej tyre kanë marrë gradën shkencore “Doktor”: Jolanda Parruca, Lorena Dedja, Saverina Pasho, Afërdita Canaj, Migena Alimehmeti ; dhjetë të tjerët kanë mbrojtur “Masterin” dhe janë përfshirë në procesin e mbrojtjes së doktoratës :  Esmeralda Kromidha, Ardiana Kastrati, Eldina Nasufi, Alba Frashëri, Fioralba Dada, Mirela Kumbaro, Ferit Baze, Anida Kisi, Viktor Bakillari, Drita Rira.

Titujt e diplomave të ciklit të parë 3-vjeçar që ofron Departamenti i Gjuhës Frënge (FGJH) janë :
1.    Diplomë në “Gjuhë, Letërsi dhe Qytetërim Francez”
2.    Diplomë në “Përkthim dhe Interpretim”
3.    Diplomë në “Gjuhët dhe Komunikimi”

Por, anëtarët e Departamentit të Frëngjishtes janë angazhuar gjithashtu edhe në ciklin e dytë të diplomave universitare :
1.    Master i nivelit të pare (një vjeçar) në “Mësuesi”
2.    Diplomë 2-vjeçare në “Përkthim pragmatiko-letrar dhe interpretim”
3.    Diplomë 2-vjeçare në “Gjuhët dhe komunikimi ndërkulturor e turistik”

Për të siguruar cilësi në mësimdhënie (leksione, seminare, praktika profesionale), anëtarët e Departamentit të Frëngjishtes bëjnë përpjekje të vazhdueshme. Ata marrin pjesë në seminare, simpoziume, konferenca, projekte, workshope dhe kanë botuar mjaft tekste universitare e artikuj shkencorë. Vlen të përmendim këtu edhe fjalorët dhe përkthimet e shumta.
Departamenti i Frëngjishtes organizon çdo vit një konference kombëtare (ose ndërkombëtare) në fushën e gjuhësisë, didaktikës, letërsisë ose përkthimit. Këto aktivitete shërbejnë për të shkëmbyer përvojë edhe me kolegë të tjerë.

Kontakto
Departamenti: This email address is being protected from spambots. You need JavaScript enabled to view it.

Tel/Fax: +355-4-23-71-668

 

ADRESA

Rektorati,

Sheshi ‘‘Nënë Tereza’, Nr. 1, Kutia Postare Nr. 183

 Tiranë, Shqipëri

Kontakto:

E-mail: info@unitir.edu.al

Website: www.unitir.edu.al 

You are here: Home