Universiteti i Tiranes

 

 

Nonda Varfi

 


Institucioni: Rektorati i Universitetit të Tiranës
Pozicioni i punës: Zv/ Rektore

Shkarko CV-ne e plote

 

 

U lind në Qeparo, Himarë, më 15.04, 1957. Ka kryer studimet në Shkollën e Mesme të Gjuhëve të Huaja në periudhën 1971-1975. Më pas, 1976-1980, ka kryer studimet në Fakultetin Histori-filologji për gjuhë frënge.  Në vitin 1981, ka filluar punë si asistent pedagog në Katedrën e Gjuhës Frënge, Fakulteti i Historisë dhe Filologjisë.  Që prej këtij viti vazhdon të jetë efektiv i Departamentit të Gjuhës Frënge, Fakulteti i Gjuhëve të Huaja. Doktoratën e ka mbrojtur në lëmin e gjuhësisë, më 1988. Në vitin 2000 ka fituar titullin Profesor. Ka kryer stazhe kualifikimi dhe specializime në Francë. Është titullar i lëndëve : Leksikologji e gjuhës frënge dhe Gjuhësi teksti. Ka marrë pjesë në shumë aktivitete, seminare dhe konferenca kombëtare e ndërkombëtare. Është autor i 9 teksteve universitare, ku veçojmë Introduction à la lexicologie du français, botuar nga Universiteti i Lozanës, 1999,  Gjuhësi teksti, SHBLU, 1999, dhe Le discours en action (grup autorësh rumunë, moldavë, shqiptarë) botuar në Kishinev, 2006, Moldavi. Është gjithashtu autor i disa fjalorëve frëngjisht-shqip. Ka dhënë një ndihmesë të veçantë në lëmin e përkthimeve, duke  përkthyer autorë me zë nga letërsia frënge dhe botërore si Kamy, Kazanzaqi, Sagan, Aymé, Coelho, Mérimé, Sepulveda, Bergman, Papini, Maggiolo, etj. Ka qenë Zv. Dekan i Fakultetit të gjuhëve të Huaja, Përgjegjës i Departamentit të Gjuhës Frënge, Dekan i Fakultetit të Gjuhëve të Huaja, anëtar i Senatit të Ut, tri herë radhazi. Aktualisht është Zv. Rektor i UT dhe anëtar i Senatit të Ut. Për kontributin e tij në lëmin e frankofonisë, është nderuar me Palmën Akademike.

 

Kontakto: This e-mail address is being protected from spambots. You need JavaScript enabled to view it

Tel: +355 4 2250167